Les Mystères du confinement

Byaravuzwe binasubirwamo, none Fratri Jean d’Amour arabyanditse: muri jonoside yakorewe Abatutsi mu Rwanda rwa 1994, hagaragaye undi “Ndabaga”, ndavuga Felisita Niyitegeka, intwari ku rugamba rw’urukundo. Mu gihe abishi bari basaze mu mahano yahekuye u Rwanda, Felisita we yahishaga abahigwaga, yanabishobora akanabahungisha. Yanze kwitandukanya n’abavandimwe bari basangiye ubuzima n’abandi bari bamuhungiyeho. Aho gukira wenyine kubera ubwoko bwe (nk’uko yabibwirwaga), yahisemo gusangira na bo inzira y’umusaraba no gupfana na bo! Niyitegeka yagaragaje ubwitange arangwa n’urukundo, ubutwari no kwemera Imana bikomeye byatumaga icyo gihe cya jenoside yerekana ubuvandimwe nyabwo bufite isano isumba iy’amaraso. Mu gihe abakoraga jenoside bazizaga abo basangiye ubwenegihugu uko bavutse n’ubwoko bwabo, Felisita we yabonaga ko ari “abana b’Imana baremwe mu ishusho ryayo.” We yabonaga neza kurusha uko abishi babonaga abo bicaga. Abakoze jenoside bari bagambiriye kwica no kumaraho abaziraga uko baremwe. None se Imana yabaremye, si Imana imwe rukumbi, nzima kandi nziza? Abishi se baba barayitiranyije na ya mana Abanyarwanda bo hambere bitaga Ruremankwashi? Iyo ngirwamana, si yo umwari w’u Rwanda yemeraga. Yemeraga Imana Se w’Umwami wacu Yezu Kristu. Yamuhaye ubutwari n’ubutungane bwamuteye gutsinda igitego cy’ubupfura bw’umutima wanga ikibi n’icyaha. Ndizera rwose – nk’uko igihugu cyacu cyamushize mu rwego rw’intwari - ko Kiliziya gatolika itazatinda kumushyira mu rugaga rw’abata-gatifu.

Le Livre en Papier, c'est aussi :

• Paiements par carte
  

  Le Livre en Papier vous permet de payer vos commandes par Bancontact, Visa et MasterCard, mais aussi par virement bancaire.

• Livraison internationale
  

  Le Livre en Papier expédie vos commandes où que vous soyez via les services Bpost.

• Publication gratuite de vos livres !
  

  Le Livre en Papier vous permet de publier un livre gratuitement, sans surprise ni frais cachés. Cliquez ici pour plus d'informations.